كنزي المدفون(لا للفرد الكيميائي)

كنزي المدفون(لا للفرد الكيميائي)


--------------------------------------------------------------------------------

يا فراشات يا حلوات

اليوم راح اكشفلكم عن سر من اسراري الخاصه وهي خلطه لفرد الشعر
مضمونه باذن الله100%

تنفع للشعر الخشن علشان تفردة وتنفع للشعر الناعم علشان تستغني صاحبته عن الاستشوار
وغير كذا تعطي لون اسود ولمعه للشعر قويهالشروط:
1-يجب اتباع المقادير والمدة المعينه بدقه
2-لا توضع على الشعر المصبوغ الا بعد زوال الصبغه
3-لاتوضع على الشعر المفرود بالفرد الكيميائي الابعد زوال الفرد بشهر
المقادير:
كيلو حنه
نصف كيلو سدر
نصف كيلو ملوخيه ثمن كيلو حديد(وهنا سر الخلطه)
قرنفل او قرفه
ملح

طبعا" المقادير تكون كلها مطحونه
الطريقه:
ناخذ الحنه ونخلطها مع الحديد مع ملعقتين سدر وملعقتين ملوخيه
وملعقه قرنفل او قرفه وملعقة ملح
وتخلطينهم زين تاخذين 5ملاعق للشعر القصير و10 ملاعق للشعر الطويل وتحطين عليهم
علبة زبادي وبيضتين وملعقتين مايونيز وملعقة اي نوع زيت
وتحطينها على شعرك بعد ماتفردينه بالاستشوارويوضع لمدة 6الى12ساعة
وبعدها يغسل الشعر بدون شامبو

وبعد ما ينشف الشعر حطي حمام الزيت وبعد ما تغسلينه يستحسن
وضع زيت وزبادي على الشعر لمدة ساعه
وبكذا تنتهي الخلطة كرريها الى ان تحصلي على النتيجه واول ما ينفرد الشعر
وقفي من استعمال الخلطة
تنبيه
الحديد الاصلي يكون لونه احمر بعد ما تطحنينه خالص بدون اية الوان اخرى وللتاكد
منه جيبي معاك مغناطيس واذا تمغنط
معناته انه اصلي وفي ناس يسمونه (حديده)

الخلطه هذي والله العظيم انا مجريتها ونتائجها رائعه
انا شعري ناعم بس دمرته بالاستشوار
وبعد ما حطيت هالخلطه تركت الاستشوار
ورجعت لشعري نعومته وبزيااااااااده


يابنات الي راح تستخدمها تكتبلنا النتيجه
انا واثقه من هالخلطه والي جربتها وما فادتها
معناتها ان طريقة استعمالها غلط


@@@@@@@@@@@@@@@@@منقـــــــــــــــــــــــــــوووووووول@@@@@@@@@@@@@@@

تسلمين ياغلاتي على الطريقه الحلوه وان شاء الله راح تفيدنااا